Indoneziya turizm va kreativ iqtisodiyot vazirligi bilan hamkorlik memorandumi imzolandi
17.10.2023
O‘qish vaqti: 2 min.
2023-yil 17-oktabr kuni Toshkent shahrida O‘zbekiston Madaniyat va san’atni rivojlantirish jamg‘armasi raisi Gayane Umerova boshchiligidagi Jamg‘arma vakillari hamda turizm va kreativ iqtisodiyot vaziri o‘rinbosari Martini Muhamad Paham boshchiligidagi Indoneziya delegatsiyasi ishtirokida ishchi uchrashuv bo‘lib o‘tdi. Ishchi uchrashuv 2024-yil 2–4-oktabr kunlari O‘zbekiston mezbonlik qiladigan IV Butunjahon kreativ iqtisodiyot konferensiyasini muhokama qilishga bag‘ishlandi.
Uchrashuv yakunlari boʻyicha ikki muassasa oʻrtasida Kreativ iqtisodiyotni rivojlantirishda hamkorlik toʻgʻrisida o‘zaro anglashuv memorandumi imzolandi. Xususan, IV Butunjahon kreativ iqtisodiyot konferensiyasini o‘tkazishga taalluqli.
2024-yilda O‘zbekiston “Jalb etuvchi ijodkorlik: o‘zgargan voqelik” mavzusiga bag‘ishlangan IV anjumanga tashkilotchi mamlakat sifatida tashabbusni qo‘lga olib, unda texnologiylarning jadal rivojlanishi oqibatida ro‘y beradigan ijtimoiy va iqtisodiy muammolar, xususan, sun’iy idrokning paydo bo‘lishi, intellektual mulk huquqlari chaqiriqlari hamda ijod bilan bog‘liq odob-axloq jihatlarga to‘xtalib o‘tiladi.
Anjumandan koʻzlangan maqsad iqtisodiyotda ijodiy tarmoqlarning muhimligiga oid omma xabardorligini oshirish hamda kreativ iqtisodiyot sohasida global hamkorlikni rivojlantirish uchun g‘oyalar va tajriba almashinuvini ragʻbatlantirishdan iboratdir.
Tadbir O‘zbekiston Madaniyat va san’atni rivojlantirish jamg‘armasi tomonidan Indoneziya turizm va kreativ iqtisodiyot vazirligi, BMT Savdo va taraqqiyot boʻyicha konferensiyasi hamda Butunjahon intellektual mulk tashkiloti bilan hamkorlikda tashkil etilmoqda.